Santo ng Araw · 3 ng hulyo

¹ Tumatayo ang Diyos sa banal na pagtitipon; sa kalagitnaan ng mga diyos, nagbibigay siya ng paghatol.

² Gaano katagal kang hahatol nang walang katarungan at magpapakita ng pagtatangi sa masasama? Selah

³ Ipagtanggol mo ang mahihirap at mga ulila sa ama; panatilihin mo ang mga karapatan ng pinapahirapan at dukha.

⁴ Sagipin mo ang mahihirap at nangangailangan; alisin mo sila sa kamay ng masasama.

⁵ Hindi nila nalalaman ni nauunawaan; nagpapalabuy-laboy sila sa kadiliman; lahat ng mga pundasyon ng lupa ay gumuguho.

⁶ Sinabi ko, “Kayo ay mga diyos, at lahat kayong mga anak ng Kataas-taasan.

⁷ Gayumpaman mamamatay kayo tulad ng mga tao at babagsak tulad ng isa sa mga prinsipe.”

⁸ Bumangon, O Diyos, hatulan mo ang daigdig, dahil mamanahin mo ang lahat ng mga bansa.