Santo ng Araw · 13 ng mayo
Mahal na Birhen ng Fatima — Opsyonal na Paggunita
2026 · Miyerkules
Mahal na Birhen ng Fatima
Opsyonal na Paggunita · Panahon ng Pasko ng Pagkabuhay puti
2027 · Huwebes
Mahal na Birhen ng Fatima
Opsyonal na Paggunita · Panahon ng Pasko ng Pagkabuhay puti
2028 · Sabado
Mahal na Birhen ng Fatima
Opsyonal na Paggunita · Panahon ng Pasko ng Pagkabuhay puti
Salmo ng Araw: Salmo 25
1 Sa iyo Yahweh, Itinataas ko ang aking buhay!
2 Aking Diyos, ako ay nagtitiwala sa iyo. Huwag mo akong hayaang mapahiya; huwag mong hayaan na magalak ng may katagumpayan sa akin ang aking mga kaaway.
3 Nawa walang sinumang umaasa sa iyo ang maalipusta; nawa ang mga nagsisigawa ng kataksilan na walang dahilan ay mapahiya!
4 Ipaalam mo sa akin ang iyong mga kaparaanan, Yahweh, ituro mo sa akin ang iyong mga landas.
5 Patnubayan mo ako sa iyong katotohanan at turuan mo ako, dahil ikaw ang Diyos ng aking kaligtasan; Ako ay umaasa sa iyo buong araw.
6 Alalahanin mo, Yahweh, ang iyong mga gawa ng kahabagan at sa katapatan sa tipan; dahil lagi silang nananatili magpakailanman.
7 Huwag mong alalahanin ang tungkol sa mga kasalanan ng aking kabataan o ang aking pagrerebelde; alalahanin mo ako na may katapatan sa tipan dahil sa iyong kabutihan, Yahweh!
8 Si Yahweh ay mabuti at matuwid; kaya itinuturo niya ang daan sa mga makasalanan.
9 Pinapatnubayan niya ang mapagpakumbaba na may katarungan at itinuturo niya ang kanyang daan sa mga mapagpakumbaba.
10 Ang lahat ng mga landas ni Yahweh ay ginawa mula sa katapatan sa tipan at pagiging mapagkakatiwalaan sa mga nag-iingat ng kanyang tipan at kanyang mga tapat na kautusan.
11 Alang-alang sa iyong pangalan, Yahweh, patawarin mo ang aking kasalanan, dahil ito ay napakalaki.
12 Sino ang taong may takot kay Yahweh? Tuturuan siya ng Panginoon sa daan na dapat niyang piliin.
13 Ang kanyang buhay ay magpapatuloy sa kabutihan; at ang kanyang mga kaapu-apuhan ay magmamana ng lupain.
14 Ang pakikipagkaibigan ni Yahweh ay para sa mga nagbibigay karangalan sa kanya, at pinapahayag ang kanyang tipan sa kanila.
15 Ang aking mga mata ay laging nakatuon kay Yahweh, dahil pakakawalan niya ang aking mga paa mula sa lambat.
16 Bumaling ka sa akin at kaawaan mo ako; dahil ako ay nag-iisa at nahihirapan.
17 Ang mga kaguluhan ng aking puso ay lumalawak; hanguin mo ako mula sa aking pagkabalisa.
18 Masdan mo ang aking paghihirap at mga pasakit; patawarin mo lahat ng aking mga kasalanan.
19 Masdan mo ang aking mga kaaway, dahil sila ay marami; kinamumuhian nila ako nang may malupit na pagkagalit.
20 Pangalagaan mo ang aking buhay at sagipin mo ako; hindi ako mapapahiya, dahil nagkukubli ako sa iyo!
21 Nawa ingatan ako ng dangal at pagkamakatwiran, dahil umaasa ako sa iyo.
22 Sagipin mo ang Israel, O Diyos, sa lahat ng kaniyang mga kaguluhan!
Panalangin ng Araw: Regina Caeli
Sapagkat ang minarapat mong dalhin sa iyong sinapupunan, aleluya,
Ay muling nabuhay ayon sa kanyang sinabi, aleluya.
Ipanalangin mo kami sa Diyos, aleluya.
Magalak at magbunyi ka, Birheng Maria, aleluya.
Sapagkat tunay na muling nabuhay ang Panginoon, aleluya.
Manalangin tayo:
O Diyos, na sa pamamagitan ng muling pagkabuhay ng iyong Anak, ang aming Panginoong Hesukristo, ay minarapat mong pasayahin ang sanlibutan, ipagkaloob mo, aming idinadalangin, na sa pamamagitan ng kanyang Ina, ang Birheng Maria, ay makamtan namin ang kagalakan ng buhay na walang hanggan. Sa pamamagitan ni Kristo na aming Panginoon. Amen.
Mga teksto ng Bibliya mula sa mga salin sa pampublikong domain; kalendaryong liturhiko na kinakalkula mula sa Pangkalahatang Kalendaryong Romano at mga pambansang kalendaryo. Hindi kami isang opisyal na institusyong panrelihiyon.