Santo ng Araw · 26 ng hunyo
Biyernes ng Ika-12 Linggo ng Karaniwang Panahon — Karaniwang Araw
2026 · Biyernes
Biyernes ng Ika-12 Linggo ng Karaniwang Panahon
Karaniwang Araw · Karaniwang Panahon berde
2027 · Sabado
Sabado ng Ika-12 Linggo ng Karaniwang Panahon
Karaniwang Araw · Karaniwang Panahon berde
2028 · Lunes
Lunes ng Ika-12 Linggo ng Karaniwang Panahon
Karaniwang Araw · Karaniwang Panahon berde
Salmo ng Araw: Salmo 33
1 Magalak kay Yahweh, kayong mga matuwid; ang papuri ay angkop para sa matuwid.
2 Pasalamatan si Yahweh na may alpa; awitan siya ng mga papuri niya ng may alpa na sampung kuwerdas.
3 Awitan siya ng bagong awit; tumugtog nang mahusay at umawit ng may kagalakan.
4 Dahil ang salita ni Yahweh ay matuwid, at ang lahat ng kaniyang ginagawa ay patas.
5 Iniibig niya ang katuwiran at katarungan. Ang lupa ay puno ng katapatan sa tipan ni Yahweh.
6 Sa pamamagitan ng salita ni Yahweh ang mga langit ay nalikha, at ang lahat ng mga bituin ay nagawa sa pamamagitan ng hininga ng kaniyang bibig.
7 Tinitipon niya ang tubig ng dagat na parang isang tumpok; nilalagay niya ang mga karagatan sa mga imbakan.
8 Hayaan ang buong mundo na matakot kay Yahweh; hayaan ang lahat ng nananahan sa mundo ay mamangha sa kanya.
9 Dahil siya ay nagsalita, at nangyari ito; siya ay nag-utos, at tumayo ng matayog.
10 Binibigo ni Yahweh ang pagsasanib ng mga bansa; siya ang nananaig sa mga plano ng mga tao.
11 Ang mga plano ni Yahweh ay nananatili magpakailanman, ang mga plano ng kanyang puso para sa lahat ng salinlahi.
12 Mapalad ang bansa na ang Diyos ay si Yahweh; ang bayan na kaniyang pinili bilang kanyang sariling pag-aari.
13 Nagmamasid si Yahweh mula sa kalangitan; nakikita niya ang lahat ng mga tao.
14 Mula sa lugar kung saan siya nananahan, siya ay tumingin sa lahat ng nananahan sa lupa.
15 Siya na humuhubog ng mga puso nilang lahat ay nagmamasid sa lahat ng kanilang mga gawi.
16 Walang hari ang naligtas sa pamamagitan ng isang malaking hukbo; ang isang mandirigma ay hindi naligtas sa pamamagitan ng kanyang dakilang lakas.
17 Ang isang kabayo ay hindi tunay na kasiguruhan ng tagumpay; sa kabila ng kanyang kalakasan, ay hindi siya makakapagligtas.
18 Tingnan ninyo, ang mata ni Yahweh ay nasa kanila na may takot sa kaniya, sa mga taong umaasa sa kaniyang katapatan sa tipan
19 para mailigtas ang kanilang mga buhay mula sa kamatayan at panatilihin silang buhay sa mga panahon ng taggutom.
20 Kami ay naghihintay kay Yahweh; siya ang aming saklolo at aming kalasag.
21 Ang aming mga puso ay nagagalak sa kaniya, dahil kami ay nagtitiwala sa kaniyang banal na pangalan.
22 Hayaan mo ang iyong katapatan sa tipan, Yahweh, ay mapasaamin habang nilalagay namin ang aming pag-asa sa iyo.
Panalangin ng Araw: Panalangin kay San Jose
Sa pamamagitan ng banal na bigkis ng pag-ibig na nag-ugnay sa iyo sa Kalinis-linisang Birheng Ina ng Diyos, at sa pamamagitan ng pagmamahal ng isang ama na ipinagkaloob mo sa Batang Hesus, buong puso kaming dumadalangin sa iyo na lingapin mo ang pamana na tinubos ni Hesukristo sa Kanyang Dugo, at tulungan mo kami sa aming mga pangangailangan sa pamamagitan ng iyong makapangyarihang tulong.
Ipagtanggol mo, O mapagkalingang tagapagtanggol ng Banal na Pamilya, ang piniling lahi ni Hesukristo. Ilayo mo sa amin, O pinakamamahal na Ama, ang salot ng kamalian at bisyo. Tulungan mo kami mula sa kalangitan, O aming pinakamatibay na sandigan, sa pakikipaglaban sa kapangyarihan ng kadiliman; at kung paanong noong una ay iniligtas mo sa kamatayan ang buhay ng Batang Hesus na nanganganib, gayon din naman ipagtanggol mo ngayon ang Banal na Simbahan ng Diyos mula sa mga bitag ng kanyang mga kaaway at sa lahat ng kasamaan.
Kalingain mo kaming bawat isa sa pamamagitan ng iyong patuloy na pagtangkilik, upang sa iyong halimbawa at sa tulong mo, kami ay mamuhay nang may kabutihan, mamatay nang may kabanalan, at makamtan sa langit ang walang hanggang kaligayahan. Amen.
Mga teksto ng Bibliya mula sa mga salin sa pampublikong domain; kalendaryong liturhiko na kinakalkula mula sa Pangkalahatang Kalendaryong Romano at mga pambansang kalendaryo. Hindi kami isang opisyal na institusyong panrelihiyon.