Santo ng Araw · 18 ng setyembre
Biyernes ng Ika-24 Linggo ng Karaniwang Panahon — Karaniwang Araw
2026 · Biyernes
Biyernes ng Ika-24 Linggo ng Karaniwang Panahon
Karaniwang Araw · Karaniwang Panahon berde
2027 · Sabado
Sabado ng Ika-24 Linggo ng Karaniwang Panahon
Karaniwang Araw · Karaniwang Panahon berde
2028 · Lunes
Lunes ng ika-24 Linggo ng Karaniwang Panahon
Karaniwang Araw · Karaniwang Panahon berde
Salmo ng Araw: Salmo 21
1 Nagagalak ang hari sa iyong lakas, Yahweh! Labis siyang nagagalak sa kaligtasan na iyong ibinibigay!
2 Ibinigay mo sa kaniya ang inaasam ng kaniyang puso at hindi mo pinigilan ang kahilingan ng kaniyang mga labi. Selah
3 Dahil dinadalhan mo siya ng mayamang mga pagpapala; inilagay mo sa kaniyang ulo ang pinakadalisay na gintong korona.
4 Humihiling siya sa iyo ng buhay; ibinigay mo ito sa kaniya; binigyan mo siya ng mahabang buhay magpakailanman.
5 Ang kaniyang kaluwalhatian ay dakila dahil sa iyong tagumpay; iginawad mo sa kaniya ang kaningningan at pagiging maharlika.
6 Dahil pinagkalooban mo siya ng mga pangmatagalang pagpapala; hinayaan mo siyang magalak nang may kasiyahan sa iyong presensya.
7 Dahil ang hari ay nagtitiwala kay Yahweh; sa pamamagitan ng katapatan sa tipan ng Kataas-taasan siya ay hindi matitinag.
8 Dadakpin ng iyong kamay ang lahat ng iyong mga kaaway; dadakpin ng iyong kanang kamay ang mga napopoot sa iyo.
9 Sa panahon ng iyong galit; susunugin mo sila na parang nasa maalab na pugon. Lilipulin sila ni Yahweh sa kaniyang matinding galit, at lalamunin sila ng apoy.
10 Pupuksain mo ang kanilang mga anak mula sa lupa at ang kanilang mga kaapu-apuhan na kabilang sa sangkatauhan.
11 Dahil hinangad nila ang masama laban sa iyo; bumuo sila ng masamang balak na kung saan hindi sila magtatagumpay!
12 Dahil sila ay iyong paaatrasin; sila ay iyong papanain.
13 Maitanghal, ka Yahweh, sa iyong lakas; aawitin at pupurihin namin ang iyong kapangyarihan.
Panalangin ng Araw: Kaluluwa ni Kristo
Katawan ni Kristo, iligtas mo ako.
Dugo ni Kristo, lasingin mo ako.
Tubig mula sa tagiliran ni Kristo, hugasan mo ako.
Pasyon ni Kristo, palakasin mo ako.
O butihing Hesus, dinggin mo ako.
Sa loob ng Iyong mga sugat, ikubli mo ako.
Huwag mong ipahintulot na mahiwalay ako sa Iyo.
Mula sa masamang kaaway, ipagtanggol mo ako.
Sa oras ng aking kamatayan, tawagin mo ako.
At utusan mo akong lumapit sa Iyo,
Upang purihin kita kasama ng Iyong mga Santo,
Magpasawalang hanggan. Amen.
Mga teksto ng Bibliya mula sa mga salin sa pampublikong domain; kalendaryong liturhiko na kinakalkula mula sa Pangkalahatang Kalendaryong Romano at mga pambansang kalendaryo. Hindi kami isang opisyal na institusyong panrelihiyon.