Santo ng Araw · 19 ng setyembre
San Jenaro, Obispo at Martir — Opsyonal na Paggunita
2026 · Sabado
San Jenaro, Obispo at Martir
Opsyonal na Paggunita · Karaniwang Panahon berde
2027 · Linggo
Ika-25 Linggo ng Karaniwang Panahon
Linggo · Karaniwang Panahon berde
2028 · Martes
San Jenaro, Obispo at Martir
Opsyonal na Paggunita · Karaniwang Panahon berde
Salmo ng Araw: Salmo 28
1 Sa iyo, Yahweh, ako ay umiiyak; aking malaking Muog, huwag mo akong pabayaan. Kung hindi mo ako tutugunan, mabibilang ako sa mga bumababa sa libingan.
2 Dinggin ang tinig ng aking pagsusumamo kapag ako ay humihingi ng tulong sa iyo, kapag itinataas ko ang aking mga kamay sa iyong pinakabanal na lugar!
3 Huwag mo akong kaladkarin palayo kasama ng masasama, silang gumagawa ng malaking kasalanan, na nagsasalita ng kapayapaan sa kanilang kapwa pero may kasamaan sa kanilang mga puso.
4 Ibigay sa kanila kung ano ang nararapat sa kanilang mga gawa at ibalik sa kanila kung ano ang hinihingi ng kanilang kasamaan; ibalik sa kanila ang mga gawa ng kanilang mga kamay; igawad sa kanila ang nararapat.
5 Dahil hindi nila nauunawaan ang mga paraan ni Yahweh o ang gawa ng kaniyang mga kamay, sila ay kaniyang pupuksain at hindi kailanman itatayong muli.
6 Pagpalain si Yahweh dahil dininig niya ang tinig ng aking pagsusumamo!
7 Si Yahweh ang aking kalakasan at ang aking kalasag; ang puso ko ay nagtitiwala sa kaniya, at tinulungan ako. Kaya labis na nagagalak ang aking puso, at pupurihin ko siya nang may pag-awit.
8 Si Yahweh ang kalakasan ng kaniyang bayan, at kanlungang nagliligtas sa kaniyang hinirang.
9 Iligtas mo ang iyong bayan at pagpalain ang iyong pamana. kayo ay maging pastol nila at aalagaan sila magpakailanman.
Panalangin ng Araw: Mga Panalangin ng Fatima at ng Anghel ng Fatima
Aking Diyos, sumasampalataya ako, sumasamba, umaasa at umiibig sa Iyo. Hinihiling ko ang Iyong kapatawaran para sa mga hindi sumasampalataya, hindi sumasamba, hindi umaasa at hindi umiibig sa Iyo.
Santísima Trinidad, Ama, Anak at Espiritu Santo, sinasamba Kita nang buong puso at iniaalay ko sa Iyo ang mahalagang-mahalagang Katawan, Dugo, Kaluluwa at Pagka-Diyos ng Aming Panginoong Hesukristo, na naroroon sa lahat ng tabernakulo sa mundo, bilang kabayaran sa mga paglapastangan, sakrilehiyo at kawalang-bahala na ipinagkakasala sa Kanya. At sa pamamagitan ng walang hanggang merito ng Kanyang Kabanal-banalang Puso at ng Kalinis-linisang Puso ni Maria, hinihiling ko ang pagbabagong-loob ng mga mahihirap na makasalanan.
Mga teksto ng Bibliya mula sa mga salin sa pampublikong domain; kalendaryong liturhiko na kinakalkula mula sa Pangkalahatang Kalendaryong Romano at mga pambansang kalendaryo. Hindi kami isang opisyal na institusyong panrelihiyon.