Santo ng Araw · 17 ng pebrero
Pitong Banal na Tagapagtatag ng Orden ng mga Servita — Opsyonal na Paggunita
2026 · Martes
Pitong Banal na Tagapagtatag ng Orden ng mga Servita
Opsyonal na Paggunita · Karaniwang Panahon berde
2027 · Miyerkules
Pitong Banal na Tagapagtatag ng Orden ng mga Servita
Paggunita · Kwaresma lila
2028 · Huwebes
Pitong Banal na Tagapagtatag ng Orden ng mga Servita
Opsyonal na Paggunita · Karaniwang Panahon berde
Salmo ng Araw: Salmo 30
1 Itinataas kita, Yahweh, dahil ibinangon mo ako at hindi pinahintulutan ang aking mga kalaban na magalak dahil sa akin.
2 Yahweh aking Diyos, humingi ako sa iyo ng tulong, at pinagaling mo ako.
3 Yahweh, hinango mo ang aking kaluluwa mula sa Sheol; pinanatili mo akong buhay mula sa pagbaba sa libingan.
4 Umawit ng mga papuri kay Yahweh, kayong bayan niyang matapat! Magbigay ng pasasalamat kapag naalaala ninyo ang kaniyang kabanalan.
5 Dahil ang kaniyang galit ay isang saglit lamang; pero ang kaniyang pabor ay panghabangbuhay. Ang pag-iyak ay dumarating sa gabi, pero ang kagalakan ay dumarating sa umaga.
6 Buong tiwala kong sinabi, “Hindi ako kailanman mayayanig.”
7 Yahweh sa pamamagitan ng iyong pabor ako ay itinatag mo tulad ng isang matatag na bundok; pero kapag itinago mo ang iyong mukha, ako ay naligalig.
8 Umiyak ako sa iyo, Yahweh, at naghanap ng pabor mula sa aking Panginoon!
9 Anong pakinabang mayroon sa aking kamatayan, kung ako ay bababa sa libingan? Mapapapurihan ka ba ng alabok? Maipapahayag ba nito na ikaw ay mapagkakatiwalaan?
10 Pakinggan mo, Yahweh, at ako ay kaawaan! Yahweh, ikaw ay maging katuwang ko.
11 Pinalitan mo ang aking pagluluksa ng pagsasayaw; hinubad mo ang aking sako at dinamitan ako ng kagalakan.
12 Kaya ngayon ang naparangalan kong puso ay aawit nang papuri sa iyo at hindi mananahimik; Yahweh aking Diyos, magbibigay ako ng pasasalamat sa iyo magpakailanman!
Panalangin ng Araw: Ang Magnificat
At ang aking espiritu'y nagagalak sa Diyos na aking Tagapagligtas,
Sapagkat nilingap niya ang kanyang abang alipin.
Mula ngayon, tatawagin akong mapalad ng lahat ng salinlahi,
Sapagkat gumawa sa akin ng mga dakilang bagay ang Makapangyarihan,
At banal ang kanyang pangalan.
Ang kanyang awa ay sumasalahat ng salinlahi,
Sa mga may takot sa kanya.
Ipinakita niya ang lakas ng kanyang bisig,
Pinangalat niya ang mga palalo sa kanilang puso.
Ibinagsak niya ang mga makapangyarihan mula sa kanilang trono,
At itinaas ang mga mapagpakumbaba.
Binusog niya ng mabubuting bagay ang mga nagugutom,
At pinauwi niyang walang dala ang mga mayayaman.
Tinulungan niya ang kanyang lingkod na Israel,
Na alalahanin ang kanyang awa,
Gaya ng ipinangako niya sa ating mga magulang,
Kay Abraham at sa kanyang lahi magpakailanman.
Luwalhati sa Ama, at sa Anak, at sa Espiritu Santo.
Kapara noong una, ngayon at magpakailanman. Amen.
Mga teksto ng Bibliya mula sa mga salin sa pampublikong domain; kalendaryong liturhiko na kinakalkula mula sa Pangkalahatang Kalendaryong Romano at mga pambansang kalendaryo. Hindi kami isang opisyal na institusyong panrelihiyon.